Naffa jo bhool bhi jaye khasaara yaad rehta hai,
Ho jiss ne aag bharrkaayi sharaara yaad rehta hai,
Kiye ki sazaayen phir bhi bhool jaati hain,
Na-karda gunaahi ka kafaara yaad rehta hai,
Ik daane ke badle jo jannat haar di hum ne,
Wahan hooron farishton ka ijaara yaad rehta hai,
Lehar ka bhanwar tak laana kismat tha magar Roohi,
Woh jiss ke paas jaa doobain kinaara yaad rehta hai..
Roohi Jaffery
The post Naffa jo bhool bhi jaye khasaara yaad rehta hai.. appeared first on Ranjish.com.
Yunhi be-sabab na phira karo koi sham ghar main raha karo,
Woh ghazal ki sahi kitaab hai ussey chupke chupke parrha karo,
Koi haath bhi na milaaye ga jo gale milo ge tapaak se,
Yeh naye mizaaj ka sheher hai zara faasle se mila karo,
Abhi raah main kayi morr hain koi aaye ga koi jaaye ga,
Tumhe jis ne dil se bhulaa diya ussey bhoolne ki dua karo,
Mujhe ishtihaar si lagti hain yeh mohabton ki kahaniyan,
Jo kaha nahin woh suna karo jo suna nahin woh kaha karo,
Kabhi husn-e-parda-nasheen bhi ho zara aashiqana libaas main,
Jo main ban sanwar ke kahin chaloon mere sath tum bhi chala karo,
Nahin be-hijaab woh chand sa ke nazar ka koi assar na ho,
Ussey itni garmi-e-shauq se barri dair tak na takka karo,
Yeh khizaan ki zard si shaal main jo udaas pairr ke paas hai,
Yeh tumhare ghar ki bahaar hai ussey aansuyon se haraa karo..
The post Yunhi be-sabab na phira karo koi sham ghar main raha karo.. appeared first on Ranjish.com.
Hijr ke mausam main yeh barish ka barassna kaisa,
Aik sehraa se samandar ke guzarna kaisa,
Aye mere dil na pareshaan ho tanhaa ho kar,
Woh tere saath chala kab tha, bicharrna kaisa,
Log to kehte hain gulshan ki tabaahi dekho,
Main to veeraan sa jungle tha, ujarrna kaisa,
Dekhne main to koi dard nahin dukh bhi nahin,
Phir yeh aankhon main asshkon ka ubharna kaisa,
Bewafa kehne ki jurat bhi na karna,
Uss ne iqraar kiya kab tha, to mukarna kaisa..
The post Hijr ke mausam main yeh barish ka barassna kaisa.. appeared first on Ranjish.com.
Chup chup ke mohabbat ko na badnaam kiya jaye,
Jo kaam kiya jaye sar-e-aam kiya jaaye,
Yeh dil ke tere baad behelta hi nahin hai,
Ab tuu hi bata kese isse raam kiya jaaye,
Yeh to mere harfon ka taqaaza hai meri jaan,
Jo sher likha jaaye tere naaam kiya jaaye,
Thhak haar ke kal shaam kaha tha yeh hawa ne,
Awaara parindon ko teh-daam kiya jaaye,
Kya fayeda phir aesi jawani ka ke jis main,
Jab soch samajh kar hi har aik kaam kiya jaaye,
Shayed woh palatt aaye kabhi shabb ka musafir,
Roshan hi chiraaghon ko sar-e-shaam kiya jaaye,
Kal shaam yeh ghar chorr to dena hai humen bhi,
Behtar hai ke kuch waqff dard e baam kiya jaaye,
Faizan yeh duniya to hai bazaar ki suurat,
Hai kiss ko khabar kal kisse neelaam kiya jaaye..
The post Chup chup ke mohabbat ko na badnaam kiya jaye.. appeared first on Ranjish.com.
Kumm tere zabt ki qeemat nahin karne wale,
Hum teri aankh se hijrat nahin karne wale,
Apne nazdeek mohabbat hai ibaadat ki tarah,
Hum ibaadat ki tijaarat nahin karne wale,
Yeh alag baat hai ke izhaar nahin kar sakte,
Yeh na samjho ke mohabbat nahin karne wale,
Kaatt ke phenk de sar chaahe sajaa naize pr,
Hum tere hath pe bayt nahin karne wale,
Aye haakim-e-waqt zara apne girebaan main jhaank,
Log bewajah baghaavat nahin karne wale..
The post Kumm tere zabt ki qeemat nahin karne wale.. appeared first on Ranjish.com.
Tu bata aye dil-e-betaab kahan atey hain,
Hum ko khush rehne ke adaab kahan atey hain,
Main to yak-musht usse somp doon sab kuch lekin,
Aik muthii main mere khawb kahan atey hain,
Mudatton baad tujhe dekh ke dil bhar aaya,
Warna sehraaon main sailaab kahan aatey hain,
Meri bedaar nigaahon main agar bhoolay se,
Neend aaye bhi to khawb kahan aatey hain,
Hum kisi tarah tere dar pe thikaana kar lein,
Hum fakeeron ko yeh adaab kahan aatey hain,
Sarbassar faqat jin main teri jhallak milti hai,
Ab muyassar humen woh khawb kahaan atey hain..
The post Hum ko khush rehne ke adaab kahan atey hain… appeared first on Ranjish.com.
Akele chorr jate ho, yeh tum acha nahin karte,
Hamara dil jalaate ho, yeh tum acha nahin karte,
Kya yeh bhi mohabbat hai, mohabbat hi issey rakho,
Tamasha tum banaate ho, yeh tum acha nahin karte,
Uthaate ho sar-e-mehfil, falak tak tum humen lekin,
Utha kar jo giraate ho, yeh tum acha nahin karte,
Kabhi jo pooch lain tum se, ke rishta kya hai ab hum se,
To nazron ko jhukaate ho, yeh tum acha nahi karte..
The post Akele chorr jate ho, yeh tum acha nahin karte.. appeared first on Ranjish.com.
Itna to dosti ka silaah dijiye mujhe,
Apna samajh ke zeher pilaa dijiye mujhe,
Uthe na taa-ke aap ki janib nazar koi,
Jitni bhi tohmtain hain lagaa dijiye mujhe,
Kyun aap ki khushi ko mera gham kare udaas,
Ik talkhh haadsa hoon bhula dijiye mujhe,
Main aap ke qareeb hi hota hoon har gharri,
Moqa kabhi parre to sadaa dijiye mujhe,
Har cheez dasstiyaab hai bazaar main Adam,
Jhooti khushi khareed ke laa dijiye mujhe..
The post Itna to dosti ka silaah dijiye mujhe.. appeared first on Ranjish.com.
Naffa jo bhool bhi jaye khasaara yaad rehta hai,
Ho jiss ne aag bharrkaayi sharaara yaad rehta hai,
Kiye ki sazaayen phir bhi bhool jaati hain,
Na-karda gunaahi ka kafaara yaad rehta hai,
Ik daane ke badle jo jannat haar di hum ne,
Wahan hooron farishton ka ijaara yaad rehta hai,
Lehar ka bhanwar tak laana kismat tha magar Roohi,
Woh jiss ke paas jaa doobain kinaara yaad rehta hai..
Roohi Jaffery
The post Naffa jo bhool bhi jaye khasaara yaad rehta hai.. appeared first on Ranjish.com.
Yunhi be-sabab na phira karo koi sham ghar main raha karo,
Woh ghazal ki sahi kitaab hai ussey chupke chupke parrha karo,
Koi haath bhi na milaaye ga jo gale milo ge tapaak se,
Yeh naye mizaaj ka sheher hai zara faasle se mila karo,
Abhi raah main kayi morr hain koi aaye ga koi jaaye ga,
Tumhe jis ne dil se bhulaa diya ussey bhoolne ki dua karo,
Mujhe ishtihaar si lagti hain yeh mohabton ki kahaniyan,
Jo kaha nahin woh suna karo jo suna nahin woh kaha karo,
Kabhi husn-e-parda-nasheen bhi ho zara aashiqana libaas main,
Jo main ban sanwar ke kahin chaloon mere sath tum bhi chala karo,
Nahin be-hijaab woh chand sa ke nazar ka koi assar na ho,
Ussey itni garmi-e-shauq se barri dair tak na takka karo,
Yeh khizaan ki zard si shaal main jo udaas pairr ke paas hai,
Yeh tumhare ghar ki bahaar hai ussey aansuyon se haraa karo..
The post Yunhi be-sabab na phira karo koi sham ghar main raha karo.. appeared first on Ranjish.com.
Tark-e-wafa ke baad wafaa karni parri,
Hum ko har aik namaaz qazaa karni parri,
Yeh jaan kar ke yeh muqaddar ka khail hai,
Uss sangdil ki phir bhi duaa karni parri,
Aadat, na koi shauq na mera tareeqa tha,
Tum ne kaha to mujh ko jafaa karni parri,
Tohmaton ka mujh pr hai kis qadar assar jo,
Waajab nahin thi woh khataa karni parri,
Waajab se yaad aaya ke iss qadar sahii dil,
Teri qazaa bhi mujh ko adaa karni parri..
Sahil Ahmed
The post Tark-e-wafa ke baad wafaa karni parri.. appeared first on Ranjish.com.
Tum aaye ho na shab-e-intizaar guzri hai,
Talaash main hai sehar baar baar guzri hai,
Junoon main jitni bhi guzri bekaar guzri hai,
Agarche dil pe kharaabi hazaar guzri hai,
Woh baat saarey fasaane mein jis ka zikr na tha,
Woh baat un ko bohat naagvaar guzri hai,
Na gul khile hain, na un se mile, na mai pee hai,
Ajeeb rang main ab ke bahaar guzri hai,
Chaman pe ghaarat-e-gulcheen se jaane kya guzri,
Qaffass se aaj sabaa beqaraar guzri hai..
The post Tum aaye ho na shab-e-intizaar guzri hai.. appeared first on Ranjish.com.
Tere ishq ki intehaa chahta hoon,
Meri saadgi dekh kya chahta hoon,
Sitam ho ke ho vaada-e-be-hijaabi,
Koi baat sabar-aazmaa chahta hoon,
Yeh jannat mubarak rahe zahidon ko,
Ke main aap ka saamna chahta hoon,
Zara sa to dil hoon magar shokh itna,
Wohi lan-taraani sunaa chahta hoon,
Koi dum ka mehmaan hon ehl-e-mehfil,
Charaagh-e-sehar hoon bhujaa chahta hoon,
Bharii bazm main raaz ki baat keh di,
Bara be-adab hoon sazaa chahta hoon..
The post Tere ishq ki intehaa chahta hoon.. appeared first on Ranjish.com.
Tere aane ka dhoka sa raha hai,
Diya sa raat bhar jaltaa raha hai,
Ajab hai raat se ankhon ka aalam,
Yeh dariyaa raat bhar charrhta raha hai,
Suna hai raat bhar barsaa hai baadal,
Magar woh sheher jo pyaasa raha hai,
Woh koi dost tha ache dinon ka,
Jo pichli raat se yaad aa raha hai,
Kise dhoondo ge in galiyon main “nasir”,
Chalo ab ghar chalen din ja raha hai..
The post Tere aane ka dhoka sa raha hai.. appeared first on Ranjish.com.
Yeh samaan bhi badal na jaye kahin,
Sazish-e-waqt chal na jaye kahin,
Dil tere hijr ki tapash main kabhi,
Mom ban ke pighal na jaye kahin,
Yeh fasaana meri mohabbat ka,
Zeest meri niggal na jaye kahin,
Naqvi ghabraa ke iss zamaane se,
Raaz sab ke uggal na jaye kahin..
Uzair Naqvi
The post Yeh samaan bhi badal na jaye kahin.. appeared first on Ranjish.com.
Aayinon main akss na hon to hairat rehti hai,
Jaise khaali ankhon main bhi vehshat rehti hai,
Har dum duniya ke hungaame ghere rakhte they,
Jab se tere dheyaan lage hain furssat rehti hai,
Karni hai to khul ke karo inkaar-e-wafaa ki baat,
Baat adhuri reh jaaye to hasrat rehti hai,
Sheher-e-sukhan main aisa kuch kar izzat ban jaye,
Sab kuch mitti ho jata hai izzat rehti hai,
Saaye larazzte rehte hain shehron ki galiyon main,
Rehte they insaan jahan ab dehshat rehti hai,
Mausam koi khushbuu le kar aate jaate hain,
Kya kya hum ko raat gaye tak vehshat rehti hai,
Dheyaan main mela sa lagta hai beeti yaadon ka,
Aksar us ke gham se dil ko sohbat rehti hai,
Phoolon ki takhti par jaise rangon ki tehreer,
Loh-e-sukhan pr aese “amjad” shohrat rehti hai..
The post Aayinon main akss na hon to hairat rehti hai.. appeared first on Ranjish.com.
Rahiye ab aisi jagah chal kr jahaan koi na ho,
Hum-sukhan koi na ho aur hum-zubaan koi na ho,
Be-dar-o-deewaar sa ek ghar banaana chahiye,
Koi humsaaya na ho aur paasbaan koi na ho,
Parriye gr beemaar to koi na ho timaardaar,
Aur agar mar jayiye to nauha-khawaan koi na ho..
The post Rahiye ab aisi jagah chal kr jahaan koi na ho.. appeared first on Ranjish.com.
Chalo ke kuucha-e-dildaar chal ke dekhte hain,
Kise kise hai yeh aazaar chal ke dekhte hain,
Suna hai aesa maseeha kahin se aaya hai,
Ke us ko sheher ke bemaar chal ke dekhte hain,
Hum apne but ko, zulekha liye hai yusuf ko,
Hai kon ronak-e-bazar chal ke dekhte hain,
Uss aik shakss ko dekho to aankh bharti nahin,
Uss aik shakss ko har baar chal ke dekhte hain,
Woh mere ghar ka kare qassd jab to saaye se,
Kayi qadam dar-o-deewaar chal ke dekhte hain,
Faraz aseer hai us ka ke woh faraz ka hai,
Hai kon kis ka giraftaar chal ke dekhte hain..
The post Chalo ke kuucha-e-dildaar chal ke dekhte hain.. appeared first on Ranjish.com.
Ussay kaho milne ki ab dua na kare,
Guzar gaye hain jo lamhe unhe haraa na kare,
Mujhe bhi khawb ke sehraa main ab nahin rehna,
Ussay kaho ke khawbon se ab wafaa na kare,
Agar mile to khuloos-o-wafa sath ho uss ke,
Woh darmiyaan main koi maslaa anaa na kare,
Dilon ke dard hamesha hi risste rehte hain,
Jo saamne to rahe hai magar gilaa na kare,
Tumhare naam ki tasbeeh yeh kab se karta hai,
Mera yeh dil ke koi kaam ab kiyaa na kare,
Main apne naam se roshan rahoon ga duniya main,
Ussay kaho ke meri jaanib koi diyaa na kare..
The post Ussay kaho milne ki ab dua na kare.. appeared first on Ranjish.com.
Tumhen jab kabhi milain fursatain mere dil se bhoj utaar do,
Main bohat dinon se udas hoon mujhe koi sham udhaar do,
Mujhe apne roop ki dhoop do ke chamak sakain mere haal-o-hadh,
Mujhe apne rang main rang do mere sare zung utar do.
Kisi aur ko mere haal se na gharz hai koi na waasta,
Main bikhr gya hoon samait lo, main bigarr geya hoon sanwaar do.
Meri wehshton ko barrhaa diya hai judayion ke azab ne,
Mere dil pe haath rakho zara meri dharrknon ko qarar do,
Tumhe subah kaisi lagi kaho mere khawahshon ke dayaar ki,
Jo bhali lagi to yahin raho, isse chahton se nikhaar do.
Wahan ghar main kon ha muntazir ke ho fikar dair sawair ki,
Barri mukhtsar si yeh raat hai isse chandni main guzaar do.
Koi baat krni ha chand se kisi shakhsaar ki oatt mein,
Mujhe raste main yahin kahin kisi kunj-gul main utar do.
The post Tumhen jab kabhi milain fursatain mere dil se bhoj utaar do.. appeared first on Ranjish.com.